शनिबार, मंसिर २, बैतडीमा जिप दुर्घटना हुदा एक जनाको मृत्यु भएको छ । जिल्लाको दोगडाकेदार गाउँपालिकामा भएको जिप दुर्घटनामा एक जनाको मृत्यु भएको हो भने ५ जना घाइते भएका छन् ।
दोगडाकेदारको वडा नं ८ बाट सिल्लेगडा आउदै गरेको से१ ज ६०३ नम्बरको बोलेरो जिप वडा नं ३ को घोडेधारमा दुर्घटना हुन पुगेको हो ।
जिपमा सवार दोगडाकेदार ८ का ३५ वर्षीय अम्मर बिष्टको घटनास्थलमै मृत्यु भएको हो ।
जिपमा सवार अन्य ५ जना घाइते भएका छन् ।
घाइते हुनेमा वडा नं ८ की ३० वर्षीय कलावती बिष्ट सोही ठाउँकी ४५ वर्षीया हिरा बिष्ट, सोही ठाउँका ४ वर्षीय रियाग बिष्ट, ७ वर्षीय सुसिला बिष्ट र ६० वर्षीय पदम बिष्ट रहेको जिल्ला प्रहरी कार्यालयले जनाएको छ ।
