बैतडिः अहिले बैतडि सहित सुदुरपश्चिका बझाङ, डडेल्धुरा, अछाम, डोटि लगाउतका विभिन्न ठाँउमा पानी परिरहेको छ । अहिले सुदूरपश्चिम, लुम्बिनी, र कर्णाली प्रदेशका धेरै ठाउँमा पानी परिरहेको छ । गएराति ठूलो पानी परेको क्षेत्रमा सतर्कता अपनाउन मौसमविद्को आग्रह छ । आज देशभरकै मौसम बदली रहने जल तथा मौसम पूर्वानुमान महाशाखाले जनाएको छ । साथै आज दिउँसोपख कतैकतै मेघगर्जन र चट्याङ्गसहित हल्कादेखि मध्यम वर्षा हुने अनुमान छ । आज सुदूरपश्चिमका धेरै ठाउँमा ठूलो पानी पर्ने सम्भावना रहेको मौसमविद् बताएका छन् । लगातारको पानीले जिल्लाका विभिन्न ठाँउका सडकमा पहिरो गएको छ भने यात्रुहरुलाई यात्रा गर्न सास्ती भएको छ । वर्षातका कारण पहिरो जादा जिल्लाका विभिन्न ठाँउका विद्यालय समेत जोखिममा परेका छन् । लगातारको पानीले चिसो महसुस गरिएको छ ।
