केशब,महरा,बैतडीः बैतडीको सिगाश गाउँपालिका–१ स्थित बजकोटमा रहेको श्री नरेन्द्रपुर माध्यमिक विद्यालयको भवन निर्माण सम्पन्न भएको एक वर्षमै चर्किएको छ । आर्थिक वर्ष २०७८ असारमा सम्पन्न भएको उक्त भवनमा निर्माण सामाग्री कमसल प्रयोग गरेपछि एक वर्षमै चर्किएको हो । भवनको बाह्यपट्टी दाँया र बाँया चर्किएको छ भने भित्रपट्टि पनि चर्किनुका साथै प्लास्टर समेत खस्न थालेको छ ।
आर्थिक वर्ष २०७७÷०७८ मा सिगाश गाउँपालिकाले विद्यालयको चार कोठे भवन निर्माणका लागि ३६ लाख रकम बिनियोजन गरेको थियो । उक्त चार कोठे भवन निर्माणका क्रममा काम गरेका कामदारहरुले पनि पारीश्रमिक नपाएको गुनासो गरेका छन् । आफुले भवन निर्माणमा काम गरेको पाउनुपर्ने २० हजार रुपैया नपाएको स्थानिय नन्दा महराले गुनासो गरिन । आफुलगायत अन्य ३ ÷४ जना कामदारले पनि पारीश्रमिक नपाएको उनले बताइन् ।
यता भूत पूर्वक प्रधानाध्यापक कृष्ण प्रसाद भट्टले तेतिवेला वर्षातको समय भएकाले पानी परेकोले ट्याक्टरमा वालुवा गिलो आएको र कामदारले तेस्तै वालुवा बोकेको र वर्षातमा वालुवा राम्ररी नफिटिएको बताए । उनले वर्षातमा निर्माण गरिएको विद्यालयको भवन बसेर चिरा परेको बताए । यस्तै उनले कामदारले ज्याला नपाएको गुनासोमा मा.वि खोल्दा चन्दा संकलन गर्दा विद्यालयमा काम गरे वाफत स्कुलमा चन्दा छोड्ने सहमति भएको बताए । साथै उनले केहि कामदारको रकम वाकी रहेको पनि बताए । यस्तै उनले विद्यालय भवन निर्माणमा आएको भन्दा बढी खर्च भएको र कामदारले रकम पाएको दाबि गर्नुभएको छ ।
यस्तै वि व्य स का अध्यक्ष नरेन्द्र वहादूर चन्दले वर्षातमा वालुवा राम्ररी नफीटिएको माटोको गारो लगाएको र भवन बसेको उनले बताए । हतारमा निर्माण गरीएको र पछि भवन बसेको अध्यक्ष चन्दको भनाई छ । सुरुमा ठेक्का लिएका प्रकाश जोशीले छोडेर गएको र हतार हतारमा काम भएको अध्यक्ष चन्दको दावी छ ।
यता सुरुमा ठेक्का पाएका प्रकाश जोशीले आफुले काम गरीरहदा भूत पूर्वक प्रधानाध्यापक भट्ट आफनै मनोमानिले चल्ने र कामदार आफना आसेपासे राखेकोे बताए । साथै उनले विद्यालय निर्माणमा सामान आफनै हिसाबले मगाउने र आफनो कुनै वास्ता नगरेकाले आफुले छोडेको र अहिले आफूलाई कुनै जानकारी नभएको उनले बताए। यता स्थानियहरुले भने भवन निर्माणमा लावरवाहि गरेको आरोप लगाएका छन् ।
