बैतडी फागुन ०१ दशरथचन्द नगरपालिका वडा नं. २, देहीमाण्डामा रहेको निङ्गलाशैनी माविको सोमबार ७५ औं वार्षिकोत्सब तथा अभिभावक दिवस सम्पन्न भएको छ ।
बिद्यालय व्यवस्थापन समितिका अध्यक्ष शंकरबहादुर बोहराको सभा अध्यक्षतामा संचालन भएको यश कार्यक्रमका प्रमुख अतिथि दशरथचन्द नगरपालीकाका प्रमुख पुस्कर राज जोशी (लख्खाभाइ) प्रमुख अतिथी रहेका थिए। यस्तै कार्यक्रममा दशरथचन्द नगरपालीकाका २ का वडा अध्यक्ष सुर्य बहादुर बोहरा दशरथचन्द नगरपालीकाका शिक्षा शाखा प्रमुख हरिश प्रकाश भट्ट लगायत छिमेकी बिद्यालयका प्रतिनिधि एवं अभिभावकहरुको सहभागीता रहेको थियो ।
बार्षिकोत्सव समारोहमा विद्यालयका प्रधानाध्यापक प्रेमसिंह बोहराले १ करोड ५५ लाख ७५ हजार ७५२ बराबरको आय र १ करोड २६ लाख २४ हजार ८१५ बराबरको व्यय विवरण प्रस्तुत गरेका थिए । बार्षिकोत्सवको अवसरमा विभिन्न सांस्कृतिक कार्यक्रमहरु सञ्चालन गरिएको विद्यालयका शिक्षक तिलक बोहराले बताए।
यसैबीच बार्षिकोत्सवको अवसरमा दशरथचन्द नगरपालिका वडा नं २ का वडा अध्यक्ष सूर्यबहादुर बोहराले आफ्ना स्र्वीय बुवा र भाइको सम्झनामा एक लाख बराबरको अक्षय कोष स्थापना गरेका छन् । योगेन्द्र–चन्द्र अक्षय कोष स्थापना गरेर त्यो कोषको ब्याजबाट हरेक बर्ष जेहेन्दार छात्रछात्राहरुलाई छात्रवृति गरिने विद्यालयले जनाएको छ ।
२००४ सालमा स्थापना भएको यश बिद्यालयमा हाल कक्षा १२ सम्मको पठनपाठन भैरहेको छ भने ६०० जना भन्दा बढी बिद्यार्थिहरु अध्ययन रहेको बिद्यालय श्रोतले जनाएको छ ।
