आसो-१६ /बैतडीको पञ्चेश्वर गाउँपालिकाले अत्यावश्यक बाँहेकका सम्पूर्ण सेवा बन्द गरेको छ । पालिकामा कार्यरत एजना कर्मचारीमा कोरोना संक्रमण पुष्टि भएपछि गाउँपालिकाले आकस्मिक बैठक डाँकेर अत्यावस्यक बाँहेकका सम्पुर्ण सेवा बन्द गरेको हो ।
गाउँपालिकामा कार्यारत कर्मचारिको धनगढीमा भएको परीक्षणमा कोरोना देखिएको बताइएको छ । उपचारका लागि धनगढी गएका उनमा पिसीआर जाँच गर्दा संक्रमण देखिएको गाउँपालिकाका स्वास्थ्य संयोजक एवँ निमित्त प्रमुख प्रशासकिय अधिकृत राम सागर साहले जानकारिदिनुएको छ ।
कर्मचारी र स्थानियमा गरि दुई जनामा कोरोना देखिएपछि अर्काे सुचना प्रकाशन नहुँदा सम्मका लागि गाउँपालिकाको कार्यालयबाट प्रवाह हुने अत्यावश्यक बाँहेकका सम्पूर्ण सेवा बन्द गरिएका उहाँको भनाई छ । गाउँपालिकाका अध्यक्ष गोेख बहादुर चन्दको अध्यक्षतामा बसेको आकस्मिक बैठकले बिहिबार देखि अर्काे सुचना प्रकासन नहुँदा सम्म पालिकाकको कार्यालयबाट प्रदान हुने अत्यावश्यक बाँहेकका सबै सेवा बन्द गर्ने निर्णय गरेको उहाँले बताउनुभएको छ ।
कर्मचारिमा कोरोना देखीएपछि अध्यक्ष, उपाध्यक्ष देखि संक्रमितको सम्पर्कमा रहेका सबै जनाको कोरोना परीक्षणका लागि स्वाँब संकलन गर्ने कार्य भइरहेको स्वास्थ्य संयोजक साहको भनाई छ ।
पञ्चेश्वर गाउँपालिकामा अहिले सम्म ६२ जनामा कोरोाना संक्रमण पुष्टि भएकोमा ६० जना संक्रमण मुक्त भइसकेका छन भने बाँकि २ जना सक्रिय संक्रमित रहेका छन । संक्रमितको सम्पर्कमा रहेका नागरिकहरुको रिपोर्ट नेगेटिभ आए सेवा सञ्चालनमा आउने गाउँपालिकाले जनाएको छ ।
