बैतडी साउन २७ । बैतडीका दुई किशोरीहरु महाकाली नदीमा बगेर शुक्रबार बेपत्ता भएका छन्। बेपत्ता हुनेमा दशरथचन्द नगरपालिका–८ का १६ वर्षीया कविता टमटा र १५ वर्षीया संगीता टमटा रहेका बैतडीका सहायक प्रमुख जिल्ला अधिकारी खगेन्द्र भारतीले जानकारी दिनुभयो।
नुहाउने क्रममा शुक्रबार दिउँसो १ बजे नगतडीबाट महाकालीमा बेपत्ता भएका भए पनि प्रहरी र प्रशासनलाई भने बेलुका पौने ७ बजे खबर गरिएको हो ।
किशोरीहरू बेपत्ता भएको खबर पाउन साथ नेपालतर्फका सबै सुरक्षा निकाय परिचालन गरिएको बताएको छ। घटनाबारे बुझ्न सहायक प्रमुख जिल्ला अधिकारी खगेन्द्र भारतीसमेत घटनास्थलतर्फ गएका छन् ।
