आसोज- १२ -बैतडी / नेपाल कम्युनिष्ट पार्टी नेकपा सम्बद्ध अखिल नेपाल किसान महासंघ बैतडीको प्रथम अगुवा किसान कार्यकर्ता भेला सम्पन्न भएको छ । अखिल नेपाल किसान महासंघ जिल्ला समन्वय समितिको आयोजनामा नेकपा पार्टी कार्यालयमा कार्यक्रम सोमबार सम्पन्न भएको हो ।
अखिल नेपाल किसान महासंघ जिल्ला समन्वय समिति संयोजक लाल बहादुर पाण्डेयको अध्यक्षता, नेकपा केन्द्रिय कमिटि सदस्य तथा बैतडी जिल्ला ईन्चार्ज नरेन्द्र कुँवरको प्रमुख आतिथ्यता तथा नेकपा केन्दिय्र कमिटि सदस्य एबंम दार्चुला जिल्ला ईन्चार्ज गणेश प्रसाद जोशी र नेकपा सुदुरपश्चिम प्रदेश कमिटि सदस्य प्रमानन्द भट्टको बिशिष्ट आतिथ्यतामा कार्यक्रम सम्पन्न भएको हो ।
कार्यक्रममा जिल्लाका सबै स्थानिय तहका किसान अगुवाहरुको सहभागीता रहेको थियो । यस्तै आजै अखिल नेपाल किसान महासंघ बैतडीको कार्यालय पनी स्थापना गरेको छ । अखिल नेपाल किसान महासंघ बैतडीका संयोजक लाल बहादुर पाण्डेय, सहसंयोजक नरेन्द्र बहादुर बिष्ट र सदस्यहरुमा पुस्कर बिष्ट, नरेश बिष्ट र दिला ठगुन्ना रहृका छन ।
अखिल नेपाल किसान महासंघको पालिका स्तरीय संगठन पनी छिट्टै बिस्तार हुने संयोजक पाण्डेयले जानकारी दिनुभयो । महासघंले किसानहरुको पक्षमा काम गर्ने र किसानहरुको हकहितका लागी तिनै तहका सरकारहरुसगं समन्वय तथा पहल गर्ने बताएको छ ।
