बैतडी–फागुन २१/ बैतडीको दशरथचन्द नगरपालिका १ गुरुखोलामा नेकपा एमालेको अगुवा कार्यकर्ता भेला तथा टोल प्रशिक्षण कार्यक्रम सम्पन्न भएको छ । शनिवार एमाले दशरथचन्द नगर कमिटिको आयोजनाका कार्यक्रम सम्पन्न भएको हो । कार्यक्रममा बिभिन्न पार्टी परित्याग गरी १४ जनाले एमाले प्रवेश गरेका छन् । नेकपा माओवादी केन्द्र, नेपाली काङग्रेस र राप्रपाबाट १४ जनाले पार्टी प्रबेश गरेको नेपाल राष्ट्रिय युवा संघका नगर ईन्चार्ज भुपेन्द्र चन्दले जानकारी दिनुभएको छ । एमालेका वडा कमिटि अध्यक्ष बिष्णु भट्टको अध्यक्षता तथा नेकपा एमाले सुदुरपश्चिम प्रदेश कमिटि सदस्य पुष्कर राज जोशीको लख्खाभाईको प्रमुख आतिथ्यतामा कार्यक्रम सम्पन्न भएको हो । कार्यक्रमको बिशिष्ट अतिथिहरुमा एमाले नेता मोहन थापा लगायत रहनुभएको थियो ।
