बैतडी–फागुन ०३/ बैतडीमा एक चितुवा मृत फेला परेको छ । जिल्लाको पञ्चेश्वर गाउँपालिका वडा नम्बर ५र दशरथचन्द नगरपालिका वडा नम्बर ११ को सीमानान चितुवा मृत फेला परेको हो । मृत चितुवा करिब साढे ३ बर्षको रहेको र भाले चितुवा रहेको डिभिजन वन कार्यालयका डिभिजनल वन अधिकृत भिम प्रसाद कडँेलले जानकारी दिनुभएको छ । आपसमा द्धन्द्ध भएर चितुवा मरेको हुन सक्ने अनुमान गरिएको छ । मृत चितुवाको ढाडँमा चोट रहेको तथा आन्द्रा भुडी बाहिर निस्किएको अवस्थामा फेला परेको हो । चितुवा मृत भेटिएको जानकारी प्राप्त भए पछि डिभिजन वन कार्यालयबाट गएको टोलीले मृत चितुवा ल्याएर ब्यवस्थापन गरेको छ । जिल्ला प्रशासन कार्यालयका पदाधिकारी, प्रहरी र पत्रकारहरुको रहोबरमा मृत चितुवालाई खाडलमा पुरिएको डिभिजनल वन अधिकृत भिम प्रसाद कडँेलले बताउनुभएको छ ।
