बैतडी–पौष २७/ प्रेस चौतारी नेपाल बैतडीको छैटौ अधिवशेन सम्पन्न भएको छ । मगंलवार नेकपा एमालेका बैतडी सह–ईन्चार्ज एबंम सुदुरपश्चिम प्रदेश सभा सदस्य लिलाधर भट्टको प्रमुख आतिथ्यतामा गोठलापानीमा अधिवेशन सम्पन्न भएको हो । अधिवेशनले चन्द्र प्रकाश लोहियाको अध्यक्षतामा १५ सदस्यीय जिल्ला समिति चयन गरेको छ । समितिको उपाध्यक्षमा प्रकाश चन्द्र भट्ट, कोषाध्यक्षमा दीपेन्द्र भण्डारी, सचिवमा गोबिन्द प्रसाद पन्त र सहसचिवमा मंगेश दयाल चयन भएका छन् ।
