बैतडी–पौष १८/ बैतडीको सुर्नया गाउँपालिका वडा नं ३ स्थित बाशुदेव आधारभूत विद्यायालयले ७२ औँ वार्षिकोत्सव मनाएको छ । विद्यालयले ७२वर्ष पुरा गरेर ७३ वर्षमा प्रवेश गरेको खुसियालिमा आईतबार वार्षिकोत्सव मनाईएको विद्यालयका प्रधानाध्यापक सुन्दर देव भट्टले जानकारी दिनुभयो ।
विद्यालय व्यवस्थापन समितिका अध्यक्ष तर्कराज भट्टको सभाध्यक्षता तथा सुर्नया गाउँपालिका वडा नं ३ का अध्यक्ष दिलाराम भट्टको आथित्यतामा ७२ औँ वार्षिकोउत्सव कार्यक्रम सम्पन्न भएको उहाँले बताउनुभएको छ । विविध साँस्कृति कार्यक्रमका साथ मनाइएको वार्षिकोत्सव कार्यक्रममा विद्यालयका उत्कृष्ट विद्यार्थीहरुलाई पुरस्कार वितरण गरिएको प्रधानाध्यापक भट्टले बताउनुभयो ।
यस्तै वार्षिकोत्सव कार्यक्रममा ४३ लाख बराबरको आयव्य प्रस्तुत गरिएको छ । २००७ सालमा स्थापना भएको विद्यालयमा कक्षा ८ सम्मको पढाइ हुन्छ ।बाशुदेव आधारभूत विद्यालयमा ११जना शिक्षक कर्मचारी कार्यरत रहेका छन भने १ सय २० जना विद्यार्थी अध्यनरत रहेका छन् । विद्यालय व्यवस्थापन समितिका अध्यक्ष तर्कराज भट्टको सभाध्यक्षतामा सम्पन्न वार्षिकोत्सब कार्यक्रममा पत्रकार ,जनप्रतिनिधि, शिक्षक ,विद्यार्थी अभिभावकहरुको सहभागिता रहेको थियो ।
