आसोज- ८ / बैतडीको दशरथचन्द नगरपालिकाका युवाहरुले न्वालो निर्माण गरेका छन । देश विदेशमा छरिएर रहेका युवाहरुले आर्थिक संकलन गरेर वडा नं १ को शिरखण्डमा न्वालो निर्माण गरेका हुन । शिरखण्ड स्थायी घर भइ हाल अध्यन र रोजगारीको शिलशिलामा जिल्लाबाहीर, भारत तथा तेस्रो मुलकमा रहेका युवाहरुले आर्थिक संकलन गरेर न्वालो निर्माण गरेका शिरखण्डका युवा लोक राज भट्टले जानकारिदिनुभएको छ ।
गौरा पर्वका बेला बिरुडा धुन जाने महिलाहरुलाई बसाइ व्यवस्थापनमा सहज होश भन्ने हेतुले न्वालो निर्माण गरिएको युवाहरुको भनाई छ । न्वालो व्यवस्थीत नहुँदा बिरुडा धुनेबेला हिलाम्य भएर अप्ठेरो झेल्दै आएका स्थानियहहरु युवाहरुले न्वालो निर्माण गरेपछि खुसि भएका छन ।
युवाहरुले न्वालो निर्माण गर्न सामाजिक सञ्जाल फेसबुक मार्फत आर्थिक संकलन अभियान सञ्चालन गरेका थिए । सो अभियान मार्फत ४६ हजार ९० रुपयाँ संकलन भएको र संकलित ४२ हजार ७ सय ३० रुपयाँमा न्वालो निर्माण सम्पन्न भएको बताइएको छ ।
संकलित रकम मध्ये बचेको धनराशिलाई अक्षय कोषको रुपमा वृद्धी गरि वडाकै डोडरचोरमा अवस्थीत शिबलिङ्ग मन्दिरमा शिबलिङ्ग तथा शिबको मुर्ति राख्ने योजना समेत रहेको स्थानिय युवा भट्टले बताउनुभएको छ । आफुहरुले गरेको सामाजिक कार्यले अरुलाइ पनि प्रेरणा मिल्ने विशवास युवाहरुले गरेका छन ।
