बैतडी- जनकालीका बचत तथा ऋण सहकारी संस्था लिमिटेडको अध्यक्षमा खडक बहादुर बोहरा विजयी भएका छन् । बैतडीको दशरथचन्द नगरपालिका वडा नं २ देहिमाण्डौ मेलाखान स्थित जनकालीका बचत तथा ऋण सहकारी संस्थाको अध्यक्षमा बोहरा २ सय ९८ मत ल्याएर विजयी भएका हुन्।
उनका निकटतम प्रतिद्वन्दी प्रकाश बहादुर बोहराले २ सय ४१ मत प्राप्त गरेका छन् । यस्तै उपाध्यक्षमा बिर बहादुर बोहरा विजय भएका छन् । उनी २ सय ६१ मत ल्याएर विजयी भएका हुन् । अर्का उपाध्यक्षका दावेदार बिरबहादुर बोहरा सुवेदारले भने २ सय ५४ मत प्राप्त गरेका छन् ।
अध्यक्षमा विजयी भएका अध्यक्ष बोहरा नेकपा एमाले दशरथचन्द नगरपालिका वडा नं २ कमिटी अध्यक्ष हुन् भने पराजित प्रकाश बाहादुर बोहरा नेकपा माओवादी केन्द्र दशरथचन्द नगरपालिका वडा नं २ वडा कमिटी उपाध्यक्ष हुन् । यस्तै उापध्यक्षमा विजयी भएका बिर बहादुर बोहरा नेकपा एमाले वडा कमिटी दस्य हुन् भने पराजित बिर बहादुर बोहरा सुवेदार नेपाली काँग्रेस वडा कार्य समिति सदस्य हुन्।
अन्य पदाधिकारी सर्वसम्मत रुपमा चयन भएपनि अध्यक्ष र उपाध्यक्षका लागि सहमति नहुदा चुनाव गरिएको थियो । शनिबार सम्पन्न मतदानमा ५ सय ५२मत खसेको थियो ।२०५५ सालमा स्थापना भएको जनकालीका बचत तथा ऋण सहकारी संस्थाको ५ सय ९० जना सेयर सदस्य रहेका छन् ।
