बैतडी- बैतडीमा जीप दुर्घटना भएको छ । महाकाली राजमार्ग अन्तरगत जिल्लाको दोगडाकदार गाउँपालिका ३ तारुलमा से १ ज २२६ नम्बरको जीप बिहीबार अप्राहन्नः४ बजे दुर्घटना भएको हो । गेठलापानीबाट बसाली जादै गरेको जीप दुर्घटना हुदा १० जना घाइते भएका जिल्ला प्रहरी कार्यालय बैतडीका प्रहरी निरीक्षक प्रहरी प्रवक्ता दर्शन खड्काले जानकारी दिनुभयो ।
उहाँका अनुसार एकजनालाइ कुनै चोटपटक छैन् , ६ जना सामान्य घाइते भएका छन् भने ३ जनाको अवस्था गम्भीर छ । जीपमा चालक सहित ११ जना सवार रहेका बताईएको छ । गम्भीर घाइते हुनेमा दशरथचन्द नगरपालिका ११ घर भइ कैलालीमा कार्यरत प्रहरी जवान डम्बर महरा, दोगडाकेदार गाउँपालिका ४ बसालीका १४ वर्षीय भीम धामी र सोहि ठाउँका दिपक कार्की रहेका छन् ।
गम्भीर घाइते तीनै जनालाई धनगढी पठाइएकाे प्रहरी निरीक्षक प्रहरी प्रवक्ता खड्काले बताउनुभयो । जीप सडकबाट ५० मिटर तल खसेको जनाईएको छ । दुर्घटनाको कारण खुलेको छैन् । घट्नाको थप अनुसन्धान भइरहेको बताईको छ । चालक फरार रहेका छन् ।
