दीपेन्द्र भण्डारी -बैतडी-मंसिर ०४/ प्रेस सेन्टर नेपाल बैतडीको अध्यक्षमा करुणाकर भट्ट चयन भएका छन् । प्रेस सेन्टर नेपाल बैतडीको शनिवार सम्पन्न पाँचौ जिल्ला सम्मेलनले भट्टको अध्यक्षतामा १५ सदस्यीय जिल्ला कमिटि गठन गरेको हो । कमिटिको उपाध्यक्षमा गोर्कण बोहरा, महिला उपाध्यक्षमा लक्ष्मी जोशी, कोषाध्यक्षमा डीआर भट्ट, सचिवमा जनक साउँद र सहसचिवमा हरि सिह साउँद चयन भएका छन् । यस्तै सदस्यहरुमा ज्ञानेन्द्र ऐरी, महादेव भट्ट, प्रकाश भाट, मान बहादुर बोहरा र नविन बिष्ट लगायतका रहेका छन् । यस्तै सम्मेलनले प्रदेश प्रतिनिधिमा भरत खत्री र डिआर भट्ट तथा केन्द्रिय महाधिवेशन प्रतिनिधिमा चन्द्रकान्त अवस्थीलाई चयन गरेको छ ।
प्रेस सेन्टर नेपाल बैतडीका निर्वतमान अध्यक्ष चन्द्रकान्त अवस्थीको अध्यक्षता तथा नेकपा माओवादी केन्द्र बैतडी जिल्ला समन्वय समिति संयोजक प्रेम प्रकाश भट्ट आदित्यको प्रमुख आतिथ्यतामा सम्मेलन सम्पन्न भएको हो । कार्यक्रममा बोल्दै प्रमुख अतिथि भट्टले पत्रकारहरुको हक हित र अधिकारका लागी प्रेस सेन्टर नेपालले शसक्त रुपले काम गर्न सकोस बन्ने शुभकामना ब्यक्त गर्नुभएको छ । प्रेस सेन्टरलाई आवश्यक सहयोगका लागी नेकपा माओवादी केन्द्रले सधै सहयोग प्रदान गर्ने प्रतिबद्धता समेत उहाँले ब्यक्त गर्नुभयो । पत्रकारिता क्षेत्रमा रहेका अनेकन समस्याहरुको समाधानका लागी प्रेस सेन्टर नेपाल एक नम्बर संगठन भएर काम गर्ने विश्वास पनी भट्टले ब्यक्त गरेका छन् ।
