बैतडी-कार्तिक १८/ बैतडीको पुर्चौडी नगरपालिका वडा नम्बर ६ भुमिराजमा रहेको अवरुद्ध बेउरेश्वर लद्यु जलविद्युत सुचारु भएको छ । कार्तिक पहिलो साता आएको बमौषमि बर्षाका कारण अवरुद्ध भएको लद्युजल विद्युत बिहिवारबाट सुचारु भएको हो । बर्षाका कारण लद्यु जलविद्युतको नहर भत्किएर पछि विद्युत अवरुद्ध हुँदा गाउँ नै अन्धकार भएको थियो । बिहिवार लक्ष्मी पुजाको दिनबाट विद्युत सुचारु भए पनि गाउँ झिलिमिलि बनेको स्थानिय चक्र बहादुर खडायतले जानकारी दिनुभएको छ । अहिले अस्थायी रुपमा पाईनलाईनबाट पानी सञ्चालन गरी विद्युत सुचारु गरिएको र नहरको पर्खाल लगाउने काम भईरहेको खडायतले बताउनुभयो । उक्त लद्यु जलविद्युत योजनाबाट भुमिराजका कफलढुंगा, मनकाली, नैना, कुएली गाउँ, खडायत गाउँ र रपनाका गरी झण्डै ६ सय परिवार लाभान्वित हुँदै आएका छन् ।
