जनक साउँद-बैतडी-कार्तिक १७/ बैतडीको दोगडाकेदारको वडा नम्बर ३ मा राम लिला मेला ज्ञान महोत्सव लाग्ने भएको छ । दोगडाकेदार राम लिला समितिको आयोजनामा महोत्सव लाग्ने भएको हो । प्रत्येक बर्ष तिहारको उपलक्ष्यमा राम लिला मेला ज्ञान महोत्सवको आयोजना हुँदै आएकोमा यस बर्ष पनी कार्तिक १८ गतेदेखि ३० गतेसम्म राम लिला मेला ज्ञान महोत्सव लाग्ने आयोजक समितिका सदस्य एबंम दोगडाकेदार गाउँपालिका वडा नम्बर ३ का वडाध्यक्ष चन्द्रदेव जोशीले जानकारी दिनुभएको छ । श्रीकोट बहुमुखी क्याम्पसको प्रांगणमा महोत्सव लाग्ने र सम्पुणर् तयारी पुरा भईसकेको जोशीले बताउनुभयो । बिगतदेखिले उक्त ठाउँमा राम लिला लाग्दै आएकोमा २ दशकको अन्तराल पछि बिगत तिन देखि निरन्तर रुपमा राम लिला मेला ज्ञान महोत्सव लाग्दै आएको छ । रामयणको सार प्रत्यक्ष रुपमा दर्शकहरुलाई देखाएर समाजका बिकृति बिसंगती हटाउदै आर्दशको बाटोमा डोर्याउन सहयोग पुर्याउने उदेश्यले राम लिला महोत्सवको आयोजना गर्दै आएको दोगडाकेदार राम लिला समितिले जनाएको छ ।
