बैतडी – बैतडीको दशरथचन्द नगरपालिका वडा नं २ को एमाले वडा कमिटि अध्यक्षमा खडक बहादुर बोहरा सर्वसम्मत चयन भएका छन् । शुक्रबार सम्पन्न एमालको वडा तहको अधिवेशनले खडक बहादुर बोहराको अध्यक्षमा ३१ सदस्यीय कमिटि गठन गरेको हो ।
अधिवेशनबाट उपाध्यक्षमा धनसिहँ भण्डारी, सचिबमा भानबहादुु बोहरा ,उपसचिबमा बसन्ती थलाल र करन लाबड चयन भएका अनेरास्वबियु जिल्ला सचिवालय सदस्य मनोज बोहराले जानकरी दिनुभयो । उहाँका अनुसार वडा नं २ मा सर्वसम्मत नेतृत्व चयन भएको छ ।
यस्तै सम्पन्न अधिवेशनले १५ सदस्यीय नगर अधिवेशन प्रतिनिधि समिति पनि गठन गरेको उहाँले बताउनुभयो । यस्तै कम्युनिष्ट आन्दोलनमा विशेष योगदान पुराएका २५ जनालाई आजै कदरपत्र सहित खादा वडाएर सम्मान पनि गरिएको सचिवालय सदस्य बोहराले बताउनुभयो । यस्तै दशरथचन्द नगरपालिका वडा नं २ का ७ जना पहिरो पिडीतहरुलाई राहत समेत वितरण गरेको छ । दलित महिला संघ फेडोको सहयोगमा पहिरो पिडीतलाई राहत सहयोग गरिएको हो ।
