असोज -५-बैतडी/ सर्पको टोकाइबाट बैतडीमा एक जनाको मृत्यु भएको छ । जिल्लाको पञ्चेश्वर गाउँपालिका वडा नं ४ घोरेटीका ५२ बर्षीय राज बहादुर चन्दको सर्पको टोकाइबाट मृत्यु भएको जिल्ला प्रहरी कार्यालय बैतडीका प्रहरी निरीक्षक किसन चन्दले जानकारिदिनुभएको छ ।
आइतबार दिउँसो ३ बजे घर नजिकैकौ खेतमा काम गरीरहेको बेला सर्पले टोकेर गम्भीर भएका चन्दको राति मृत्युभएको परिवार स्रोतलाई उदृत गर्दै जिल्ला प्रहरी कार्यालय बैतडीले जनाएको छ ।
यो वर्षमै पञ्चेश्वर गाउँपालिकामा सर्पको टोकाइबाट दुई जनाको मृत्यु भइसकेको छ । यस अघि पनि गत महिनामा गाउँपालिकाको वडा नं २ की १४ बर्षिया बालिकाको सर्पकै टोकाइबाट ज्यान गाएको थियो ।
