बैतडी-असोज १७/ आईतवार बैतडीका थप ३ जनामा कोरोना भाईरसको संक्रमण पुष्टि भएको छ । पछिल्लो २४ घण्टामा बिभिन्न स्थानिय तहका ३ जना संक्रमित थपिएको स्वास्थ्य कार्यालय बैतडीले जानकारी दिएको छ । यस्तै पछिल्लो २४ घण्टामा ४ जना संक्रमित निको भएका छन् । आईतवार निको हुनेमा पाटन नगरपालिका वडा नम्बर १ का ३३ बर्षिय पुरुष, वडा नम्बर ८ का ४८ बर्षिय पुरुष, १२ बर्षिय बालिका र ३० बर्षिय महिला रहेका छन् । अव जिल्लामा कोरोनाका सक्रिय संक्रमितको संख्या २१ ज्ना रहेको छ । सबैभन्दा बढी दशरथचन्द नगरपालिकामा र पाटन नगरपालिकामा ७/७ जना संक्रमित छन् । यस्तै सुर्नया गाउँपालिकाका २ जना, पञ्चेश्वर र सिगास गाउँपालिकाका १/१ जना छन भने जिल्ला बाहिरका ३ जना सक्रिय संक्रमित रहेका छन् ।
