बैतडी असाेज १० । बैतडीको एक विद्यालयले शिक्षक विदाइ कार्यक्रम सम्पन्न गरेको छ । जिल्लाको पाटन नगरपालिका वडा नं ९ काकस्यालीमा रहेको जनपृय आधारभूत विद्यालयले आइतबार शिक्षक विदाइ कार्यक्रम सम्पन्न गरेको हो ।
विद्यालयमा लामो समय अध्यापन गराएका बल्देव पन्त उमेर हदले अनिवार्य अवकासमा परेपछि आइतबार एक औपचारीक कार्यक्रमको आयोजना गरेर विदाइ गरिएको जनपृय आधारभूत विद्यालयका प्रधानाध्यापक केशब राज भट्टले जानकारी दिनुभयो । कदरपत्र सहित दोसल्ला ओडाएर साँस्कृतिक कार्यक्रमका साथ शिक्षक पन्तको विदाइ गरिएको उहाँले बताउनुभयो ।
धैर्यता, समयपालन , सहयोगि र कर्तव्यनिष्ठ भएर शिक्षक पन्तले विद्यालयमा दिएको योगदान अतुलनिय रहेको उहाँको भनाई छ । असल शिक्षकमा हुनुपर्ने गुणहरु उहाँमा भएकाले सबै शिक्षकले उहाँकाे जसरीनै काम गर्नेु पर्ने प्रधानाध्यापक भट्टको भनाई थियो । उहाँका अनुसार जनपृय आधारभूत विद्यालयमा शिक्षक पन्तले करिब ३६ वर्ष पढाएका हुन् ।
विद्यालय व्यवस्थापन समितिका अध्यक्ष कालु सिहँ भाटको अध्यक्षता तथा वृद्ध अभिभावक जयराम भट्टको प्रमुख आथित्यतामा सम्पन्न विदाइ कार्यक्रममा शिक्षक, विद्यार्थी र अभिभावकहरुको सहभागिता रहेको थियो ।
