बैतडी भदाै २७ । बैतडीमा कोरोना संक्रमणदर घट्दै गएको छ । आइतबार पनि जिल्लामा कोरोनाका नयाँ संक्रमितको सङख्या शुन्य रहेको छ । शुक्रबार बैतडीका ३ जनामा कोरोना संक्रमण पुष्टि भएकोमा शनिबारदेखि जिल्लामा नयाँ कोरोनाका संक्रमितको सङख्या शुन्य रहेको छ । आइतबार जिल्लाका २ सय २ जनाको कोरोना परीक्षण गरिएकोमा सबैको रिपोर्ट नेगेटिभ आएको स्वास्थ्य कार्यालय बैतडीले जनाएको छ । आइतबार जिल्लाको दशरथचन्द नगरपालिका मेलौली नगरपालिकाका १÷१ जना कोरोना जितेर निको भएका छन् । थप २ जना संक्रमणमुक्त भएसंगै जिल्ला माकोरोनाका सक्रिय संक्रमितको सङख्या अहिले १७ जना रहेको छ । बैतडीमा सक्रिय संक्रमित मध्ये दशरथचन्द नगरपालिकामा ९ जना, मेलौली नगरपालिकामा २ जना, पाटन नगरपालिकामा २ जना, दोगडाकेदार गाउँपालिका, पुर्चौंडी नगरपालिका र सुर्नया गाउँपालिकामा १÷१ जना रहेका छन् । यस्तै बैतडीमा जिल्ला बाहरिका पनि एक जना कोरोनाका सक्रिय संक्रमित रहेका स्वास्थ्य कार्यालयय बैतडीले जनाएको छ।
