बैतडी भदाै २५ । बैतडीका थप ३ जनामा कोरोना संक्रमण पुष्टि भएको छ । शुक्रबार गरिएको परीक्षणमा थप ३ जनामा कोरोना संक्रमण पुष्टि भएको हो । पछिल्लो २४ घण्टामा ६३ जनाको कोरोना परीक्षण भएकोमा जिल्लाको दशरथचन्द नगरपालिकाका ३ जनामा कोरोना संक्रमण पुष्टि भएको स्वास्थ्य कार्यालय बैतडीले जनाएको छ।
थप ३ जना थपिएसंगै जिल्लामा कोरोनाका सक्रिय संक्रमितको सङख्या २१ पुगेको छ । यस्तै थप २ जना कोरोना जितेर निको भएका छन् । शुक्रबार दशरथचन्द नगरपालिकाकै २ जना कोरोना जितेर संक्रमणमुक्त भएका हुन् ।
बैतडीमा सक्रिय संक्रमित मध्ये दशरथचन्द नगरपालिकामा १२ जना, मेलौली नगरपालिकामा ३ जना, पाटन नगरपालिकामा २ जना, दोगडाकेदार गाउँपालिका, पुर्चौंडी नगरपालिका र सुर्नया गाउँपालिकामा १÷१ जना रहेका छन् । यस्तै बैतडीमा बाहिरका एक जना सक्रिय संक्रमित रहेका छन् ।
