बैतडी भाद्र १९ /शनिवार आज बैतडीका थप ३ जना कोरोना संक्रमित निको भएका छन । यस्तै १ जनामा संक्रमण पुष्टि भएको छ । स्वास्थ्य कार्यालय बैतडीका अनुसार पछिल्लो २४ घण्टामा बिभिन्न स्थानिय तहका ३ जना निको भएका हुन् भने दशरथचन्द नगरपालिका वडा नम्बर २ का एक ६२ बर्षिय पुरुषमा संक्रमण पुष्टि भएको हो । अब जिल्लामा कोरोनाका सक्रिय संक्रमितको संख्या २० रहेको छ । सक्रिय संक्रमितमध्ये सबैभन्दा बढी दशरथचन्द नगरपालिकामा १२ जना रहेका छन् । यस्तै मेलौली नगरपालिकामा ३ जना, पुर्चौडी नगरपालिकामा १ जना तथा सिगास गाउँपालिका, पाटन नगरपालिका र सुर्नया गाउँपालिकामा १/१ जना छन् भने जिल्ला बाहिरका १ जना सक्रिय संक्रमित छन् । जिल्लाको शिवनाथ गाउँपालिका, पञ्चेश्वर गाउँपालिका, दोगडाकेदार गाउँपालिका र डिलाशैनी गाउँपालिकामा सक्रिय संक्रमितको संख्या शुन्य रहेको छ ।
