बैतडी-भाद्र १५/ मगंलवार बैतडीका थप ३ जना कोरोना संक्रमित निको भएका छन् । पछिल्लो २४ घण्टामा ३ जना संक्रमित संक्रमणमुक्त भएको स्वास्थ्य कार्यालय बैतडीले जानकारी दिएको छ । पछिल्लो २४ घण्टामा थपिने संक्रमितको संख्या भने शुन्य रहेको छ । अब जिल्लामा कोरोनाका सक्रिय संक्रमितको संख्या ३० जना पुगेको छ । सक्रिय संक्रमितमध्ये सबैभन्दा बढी दशरथचन्द नगरपालिकामा १५ जना रहेका छन् । यस्तै मेलौली नगरपालिकामा ८ जना, दोगडाकेदार गाउँपालिकामा २ जना, पुर्चौडी नगरपालिकामा २ जना तथा जिल्लाको सिगाँस गाउँपालिका र सुर्नया गाउँपालिकामा १/१ जना सक्रिय संक्रमित छन् भने जिल्ला बाहिरका १ जना रहेका छन् ।
