बैतडी-भाद्र १२/ शनिवार बैतडीमा २ जना कोरोना संक्रमणमुक्त भएका छन । पछिल्लो २४ घण्टामा दशरथचन्द नगरपालिकाका २ जना संक्रमीतहरु संक्रमणमुक्त भएर निको भएका हुन् । यस्तै थप १ जनामा कोरोना भाईरसको संक्रमण पुष्टि भएको छ । कोरोना पुष्टि हुनेमा बझाङका ३२ बर्षिय पुरुष रहेका छन् । बैतडीमा अहिले कोरोनका सक्रिय संक्रमितको संख्या २७ रहेको स्वास्थ्यक कार्यालयले जनाएको छ । सक्रिय संक्रमितमध्ये सबैभन्दा बढी दशरथचन्द नगरपालिकामा ११ जना रहेका छन् । यस्तै मेलौली नगरपालिकामा ८ जना, दोगडाकेदार गाउँपालिकामा ३ जना, पुर्चौडी नगरपालिकामा २ जना तथा सुर्नया गाउँपालिका र सिगास गाउँपालिकामा १/१ जना सक्रिय संक्रमित छन् । जिल्लाको शिवनाथ गाउँपालिका, पञ्चेश्वर गाउँपालिका, डिलाशैनी गाउँपालिका र पाटन नगरपालिकामा भने कोरोनाका सक्रिय संक्रमितको संख्या शुन्य रहेको छ ।
