बैतडी-भाद्र ०९/ बैतडीको दोगडाकेदार गाउँपालिकामा नेपाली काङग्रेसको कार्यकर्ता प्रशिक्षण कार्यक्रम सम्पन्न भएको छ । नेपाली काङग्रेस जिल्ला कार्य समितिको हिजो बसेको बैठकले महाअधिबेशन केन्द्रित भएर जिल्लामा प्रशिक्षण कार्यक्रम गर्नका लागी गरेको निणर्य बमोजिम आज दोगडाकेदारमा कार्यकर्ता प्रशिक्षण कार्यक्रम गरिएको काङग्रेस बैतडीका कोषाध्यक्ष रमेश पाण्डेयले जानकारी दिनुभएको छ ।
जिल्ला कार्य समितिको आयोजना र काङग्रेस दोगडाकेदार गाउँपालिका सभापती नन्द राज भट्टका अध्यक्षतामा प्रशिक्षण कार्यक्रम सम्पन्न भएको पाण्डेले बताउनुभयो । जिल्ला सभापती नरेन्द्र थापा प्रमुख अतिथि रहेको उक्त प्रशिक्षण कार्यक्रममा नेपाली काङग्रेसका क्रियाशिल सदस्यहरुलाई नेपाली काङग्रेसको १४ औं महाधिबेशन नजिकिदै गएको अवस्थामा निर्बाचन निर्देशिका, नियमावली र पार्टी विधानको बारेमा ब्रिफिङ गरिएको पाण्डेलेको भनाई छ । कार्यक्रममा नेपाली काङग्रेसका दोगडाकेदार गाउँपालिकाका ८ वटै वडाका क्रियाशिल सदस्यहरुको सहभागीता रहेको थियो ।
