बैतडी-भाद्र ०८/ मंगलवार बैतडीका २ जना कोरोना संक्रमित कोरोना जितेर निको भएका छन । स्वास्थ्य कार्यालय बैतडीका अनुसार पछिल्लो २४ घण्टामा २ जना संक्रमितहरु संक्रमणमुक्त भएका हुन । यस्तै पछिल्लो २४ घण्टामा कसैमा पनी संक्रमण नदेखिएको बताईएको छ । अब जिल्लामा कोरोनाका सक्रिय संक्रमितको संख्या २५ रहेका छ । सक्रिय संक्रमित मध्ये सबैभन्दा बढी दशरथन्द नगरपालिकामा १२ जना रहेका छन् । यस्तै मेलौली नगरपालिकामा ६ जना, दोगडाकेदार गाउँपालिकामा ३ जना, सिगास गाउँपालिका १ जना , पुर्चौडी नगरपालिकामा २ जना र सुर्नया गाउँपालिकमा १ जना सक्रिय संक्रमित रहेका छन् । जिल्लाको शिवनाथ गाउँपालिका, पञ्चेश्वर गाउँपालिका, डिलाशैनी गाउँपालिका र पाटन नगरपालिकामा भने कोरोनाका सक्रिय संक्रमितको संख्या शुन्य रहेको छ । बैतडीमा कोरोनाको संक्रमण शुरु भएदेखि अहिलेसम्म २९ हजार १ सय ४८ जनाको कोरोना परीक्षण गरिएको छ ।
