बैतडी-भाद्र ०६/ नेकपा माओवादी केन्द्र दोगडाकेदार गाउँपालिकाको अगुवा कार्यकर्ता भेला सम्पन्न भएको छ । माओवादी केन्द्रका दोगडाकेदार गाउँ कमिटि अध्यक्ष मान सिह ऐरीको अध्यक्षता तथा जिल्ला पार्टी कार्यालय सदस्य नवराज भट्ट कुसुमको प्रमुख आतिथ्यतामा कार्यक्रम गरिएको हो । माओवादी केन्द्रको केन्द्रिय निणर्य बमोजिम पार्टीलाई सुढृड र बलियो बनाउनका लागी संगठन विस्तार र नविकरणका बिषयमा छलफल गर्न अगुवा कार्यकर्ता भेलाको आयोजना गरिएको दोगडाकेदार गाउँपालिका वडा नम्बर ३ का वडाध्यक्ष एबंम नेकपा माओवादी केन्द्र बैतडी जिल्ला कमिटि सदस्य चन्द्रदेब जोशीले जानकारी दिनुभएको छ । पार्टीलाई शसक्त रुपमा अगाडी बढाउने र हरेक क्षेत्रमा माओवादी केन्द्रको बलियो उपस्थिति हुने गरी काम गर्ने बिषयमा अगुवा कार्यकर्ताहरुसंग छलफल गरिएको जोशीले बताउनुभएको छ ।
कार्यक्रममा बोल्दै माओवादी केन्द्रका नेताहरुले केन्द्रिय राजनितिक बृतमा आएको उथलपुथलसंगै माओवादी केन्द्रलाई फेरी पनी बलियो पार्टीका रुपमा स्थापित गर्नका लागी शशक्त रुपमा लाग्नु पर्ने बेला आएको बताए छन् । भेलामा नेकपा माओवादी केन्द्रका जिल्ला कमिटि सदस्य र दोगडाकेदार गाउँपालिका भरिका नेता कार्यकर्ताहरुको उल्लेख्य सहभागीता रहेको थियो । माओवादी केन्द्रले संगठनलाई बलियो र मजबुद बनाउने उदेश्यले वडा तहदेखि नै नविकरण र कमिटि बिस्तारलाई तिब्रता दिएको छ ।
