जनक साउँद-बैतडी-भाद्र ०५/ जिल्ला प्रशासन कार्यालय बैतडीबाट गत आर्थिक बर्षमा ४ सय भन्दा बढीले राहदानी बनाएका छन् । बैदेशिक रोजगारी, बिदेश भ्रमण तथा अध्ययन र अन्य कामका लागी गत आर्थिक बर्ष २०७७/०७८मा ४ सय २४ जनाले राहदानी बनाएका हुन् । जिल्ला प्रशासन कार्यालयका प्रशासकिय अधिकृत खगेन्द्र भारतीका अनुसार राहदानी बनाउनेमा ३ सय ८६ जना पुरुष र ३८ जना महिला रहेका छन् । गत आर्थिक बर्षमा जिल्ला प्रशासनबाट जारी भएका राहदानीमध्ये ३ सय ५६ जना पुरुष र ३६ जना महिलालाई गरी ३ सय ९२ जनालाई साधारण राहदानी बितरण गरिसकिएको भारतीले बताउुभयो । यस्तै दु्रत राहदानीका लागी जिल्ला प्रशासन कार्यालय बैतडीबाट ४ सय ३१ जनाले सिफारिस बनाएका छन् । सिफारिस लिनेहरुमा ३ सय ८७ जना पुरुष र ४४ जना महिला रहेका छन् ।
