बैतडी-भाद्र ०४/ बैतडीको पाटन नगरपालिकामा पहिरोले २ घर बगाएको छ । नगरपालिकाको वडा नम्बर १० मा बिहिवार रातिको बर्षासंगै खसेको पहिरोले २ घर बगाएको वडा अध्यक्ष देबेन्द्र कुँवर जानकारी दिनुभएको छ । पहिरोले स्थानिय हर्क बहादुर कुँवर र हिक्मत कुवरको घर बगाएको अध्यक्ष कुँवरले बताउनुभयो । पहिरोले घरसंगै गोठमा रहेका पशुचौपाय, घर भित्र रहेका खाद्यन्न समान र अन्य समान समेत पुरेको छ । पिडित हर्क बहादुर कुवँरका ३ वटा भैंसी, एउटा गाई, एक दर्जन बढी कुखुरा, लत्ता कपडा र खाद्यन्न समान पहिरोले पुरिदिएको छ । २ लाख नगद र २ तोला सुन समेत पहिरोमै पुरिएको पिडित कुवँरले बताए । अर्का पिडित हिक्मत कुवँरका पनी एउटा गाई, आधा दर्जन बाखा्र, दर्जन बढी कुखुरा सहित अन्य खाद्यन्न समान पहिराले पुरेको छ । पहिरोका कारण मानविय क्षति भने भएको छैन् ।
