बैतडी भदाै ३ । बैतडीका थप १ जनामा कोरोना संक्रमण पुष्टि भएको छ । बिहीबार गरिएको परीक्षणमा थप १ जनामा कोरोना संक्रमण पुष्टि भएको स्वास्थ्य कार्यालय बैतडीले जनाएको छ । संक्रमण पुष्टि हुनेमा पुर्चौडी नगरपालिकाका १ जना रहेका छन् । यस्तै ३ जना कोरोना संक्रमणमुक्त भएका छन् । बिहीबार दशरथचन्द नगरपालिकाका ३ जना कोरोना जितेर संक्रमणमुक्त भएका हुन् । थप ३ जना संक्रमणमुक्त भएसंगै बैतडीमा कोरोनाका सक्रिय संक्रमितको सङख्या २४ रहेको छ । सक्रिय संक्रमित मध्ये अहिले दशरथचन्द नगरपालिकामा १५ जना रहेका छन् । यस्तै दोगडाकेदार गाउँपालिकामा ४ जना, पुर्चौडी नगरपालिकामा ३ जना, सिगास गाउँपालिका र सुर्नया गाउँपालिकामा १ ÷१ जना कोरोनाका सक्रिय संक्रमित रहेका छन्। बैतडीको पाँच स्थानीयतहमा अहिले कोरोनाका सक्रिय संक्रमित शुन्य रहेका छन् । पाटन नगरपालिका , मेलौली नगरपालिका, डिलाशैनी गाउँपालिका, शिवनाथ गाउँपालिका र पञ्चेश्वर गाउँपालिकामा अहिले कोरोनाका सक्रिय संक्रमित शुन्य रहेका छन् ।
