बैतडी भदौ १ ।बैतडीमा मंगलबार कोरोनाका नयाँ संक्रमित शून्य रहेका छन् । पछिल्लो २४ घण्टामा ४२ जनाको कोरोना परीक्षण गरिएको कसैमा पनि कोरोना नदेखिएको स्वास्थ्य कार्यालय बैतडीले जनाएको छ । यस्तै ३ जना कोरोना संक्रमणमुक्त भएका छन् । मंगलबार दशरथचन्द नगरपालिकाका ३ जना कोरोना जितेर निको भएका हुन् । ३ जना संक्रमणमुक्त भएसंगै अब बैतडी जिल्लामा कोरोनाका सक्रिय संक्रमित २४ जना रहेका छन् । सक्रिय संक्रमित मध्ये अहिले दशरथचन्द नगरपालिकामा १७ जना रहेका छन् । यस्तै दोगडाकेदार गाउँपालिकामा ३ जना , पुर्चौडी नगरपालिकामा २ जना, सिगास गाउँपालिका र सुर्नया गाउँपालिकामा १ ÷१ जना कोरोनाका सक्रिय संक्रमित रहेका छन्।
