बैतडी साउन ३२ । बैतडीका थप ४ जनामा कोरोना संक्रमण पुष्टि भएको छ । पछिल्लो २४ घण्टामा गरिएको परीक्षणमा जिल्लाका थप ४ जनामा कोरोना संक्रमण पुष्टि भएको हो ।
सोमबार कोरोना संक्रमण पुष्टि हुनेमा दशरथचन्द नगरपालिकाका ३ जना र दोगडाकेदार गाउँपालिकाका १ जना रहेका छन् । यस्तै थप ५ जना कोरोना जितेर निको भएका छन् । विभिन्न स्थानीयतहमा रहेका ५ जना कोरोनाका सक्रिय संक्रमित सोमबार कोरोना जितेर निकोभएका स्वास्थ्य कार्यालय बैतडीले जनाएको छ ।
अहिले बैतडी जिल्लामा कोरोनाका सक्रिय संक्रमित २७ जना रहेका छन् । सक्रिय संक्रमित मध्ये अहिले दशरथचन्द नगरपालिकामा २० जना रहेका छन् । यस्तै दोगडाकेदार गाउँपालिकामा ३ जना , पुर्चौडी नगरपालिकामा २ जना, पा सिगास गाउँपालिका १ जना, र सुर्नया गाउँपालिकामा १ जना सक्रिय संक्रमित रहेका छन्।
