बैतडी साउन २९ ।शुक्रबार बैतडीका एक जनामा कोरोना संक्रमण पुष्टि भएको छ भने एक जना संक्रमण मुक्त भएका छन् । शुक्रबार ३६ जनाको कोरोना परीक्षण गर्दा दशरथचन्द नगरपालिका वडा नं १० की एकजना महिलामा संक्रमण पुष्टि भएको हो भने दनापकै एक जना संक्रमणमुक्त भएका हुन् । बैतडीमा कोरोनाका सक्रिय संक्रमितको सङख्या २८ रहेको छ । सक्रिय संक्रमित मध्ये दशरथचन्द नगरपालिकामा२० जना, पाटन नगरपालिका, सिगास गाउँपालिका र पुर्चौडी नगरपालिकामा २ ÷२ जना रहेका छन् । यस्तै सुर्नया गाउँपालिका र दोगडाकेदार गाउँपालिकामा १÷१ जना कोरोनाका सक्रिय संक्रमित रहेका हुन । अहिले जिल्लाका शिवनाथ, पञ्चेश्वर , डीलाशैनी गाउँपालिका र मेलौली नगरपालिकामा कोरोनाका सक्रिय संक्रमित शून्य रहेका छन् ।
