बैतडी साउन २९ । कैलालीमा ट्रक दुर्घटना हुँदा बैतडी घर भएका चालकको ज्यान गएकाे छ । ट्रक दुर्घटना हुँदा ज्यान गुमाउनेमा सिगास गाउँपालिका ९बाचपानीका करिब ३५ बर्षीय रामसिह महरा रहेका छन् । यस्तै सहचालक समान्य घाइते भएका बताइएकाे छ ।सुर्नया गाउँपालिका ५ घर भएका सहचालक पंकज मडै भने समान्य घाइते भएका हुन् । धनगढीबाट डडेल्धुरातर्फ आईरहेको ट्रक बिहीबार साँझ गोदावरीको पुल नजिक दुर्घटनामा परेकाे थियाे । दुर्घटनामा परी गम्भीर घाइते भएका महराको सेती प्रादेशिक अस्पतालमा उपचारका क्रममा मृत्यु भएको प्रहरीले जनाएकाे छ । मृतक महराको घरमा अपांगता भएका आमा र श्रीमति रहेका छन् । उनका दुई छोरा रहेको बताइएको छ ।
