बैतडी साउन २६ । मंगलबार बैतडीका थप ६ जनामा कोरोना संक्रमण पुष्टि भएको छ । पछिल्लो २४घण्टामा गरिएको परीक्षणमा थप ६ जनामा कोरोना संक्रमण पुष्टि भएको हो । मंगलबार संक्रमण पुष्टि हुनेमा ५ जना दशरथचन्द नगरपालिकाका रहेका छन् भने १ जना दोगडाकेदार गाउँपालिकाका रहेका हुन् । पछिल्लो २४ घण्टामा १९ जनाको एन्टीजे गर्दा १ जना र ११ जनाको पिसिआर गर्दा ५ जनामा संक्रमण देखिएको स्वास्थ्य कार्यालय बैतडीले जनाएको छ । मंगलबार ६ जना थपिएसंगै बैतडीमा कोरोनाका सक्रिय संक्रमितको सङख्या ३५ पुगेको छ ।
