बैतडी साउन २४ । बैतडीमा आइतबार ९ जना कोरोना संक्रमणमुक्त भएका छन् । जिल्लाको विभिन्न स्थानीयतहमा रहेका सक्रिय संक्रमितमध्ये आइतबार ९ जना कोरोना जितेर निको भएका हुन् ।
दशरथचन्द नगरपालिकाका ३ जना , पाटन नगरपालिकाका २ जना डिलाशैनी गाउँपालिकाका २ जना र सिगास गाउँपालिकाका २ जना गरि आइतबार ९ जनाले कोरोना जितेका हुन् । यस्तै थप १ जनामा कोरोना संक्रमण पुष्टि भएको छ । जिल्लाको सिगास गाउँपालिकाका वडा नं ९ की एक महिलामा कोरोना संक्रमण पुष्टि भएको हो ।
आइतबार ९ जना संक्रमणमुक्त भएसंगै बैतडीमा कोरोनाका सक्रिय संक्रमितकाे संख्या ३३ रहेकाे छ । सक्रिय संक्रमितमध्ये सबैभन्दा बढी दशरथचन्द नगरपालिकामा २२ जना रहेका छन् ।
यस्तै सिगास गाउँपालिकामा ३ जना, पाटन नगरपालिकामा २ जना , दोगडाकेदार गाउँपालिकामा २ जना, सुर्नया गाउँपालिकामा १ जना र पुर्चौडी नगरपालिकामा पनि १ जना रहेका छन् । बैतडीमा जिल्ला बाहिरका २ जना कोरोनाका सक्रिय संक्रमित रहेका स्वास्थ्य कार्यालय बैतडीले जनाएको छ ।
