बैतडी साउन २२ ।बैतडीका थप ४ जनामा कोरोना संक्रमण पुष्टि भएको छ। शुक्रबार गरिएको परीक्षणमा थप ४ जनामा संक्रमण पुष्टि भएको हो ।
५० जनाको कोरोना परीक्षण गरिएकोमा ४ जनामा संक्रमण देखिएको स्वास्थ्य कार्यालय बैतडीले जनाएको छ । शुक्रबार कोरोना संक्रमण पुष्टि हुनेमा दरशथचन्द नगरपालिका वडा नं ४ र ६ का २ ÷२ जना रहेका छन् ।
शुक्रबार थप ४ जना कोरोनाका संक्रमित थपिए संगै बैतडीमा सक्रिय संक्रमितको सङख्या ४० पुगेको छ। सक्रिय संक्रमितमध्ये दशरथचन्द नगरपालिकामा २५ जना रहेका छन् ।
यस्तै सिगास गाउँपालिका र पाटन नगरपालिकामा ४÷४ जना, दोगडाकेदार गाउँपालिका र डिलाशैनी गाउँपालिकामा २ ÷२ जना र सुर्नया गाउँपालिकामा १ जना रहेका छन् । बैतडीमा जिल्ला बाहिरका २ जना कोरोनाका सक्रिय संक्रमित रहेका छन् ।
