बैतडी साउन २१ ।सडक भासिदा पाँच दिनदेखि अवरुद्ध बनेको जयपृथ्वी राजमार्ग सञ्चालनमा आएको छ। अवरुद्ध सडक खण्ड सडक किनारबाट पर्खाल लगाएपछि बिहीबार देखी जयपृथ्वी राजमार्ग सञ्चालनमा आएको हाे ।
जिल्ला प्रहरी कार्यालय बैतडीका अनुसार राजमार्ग सुचारु भएसंगै सवारी साधन सञ्चालनमा आएका छन् । पर्खाल निर्माण सम्पन्न भएपछि राजमार्गमा पूर्ण रुपमा सवारी साधन आवागमन शुरु भएको जिल्ला प्रहरी कार्यालय बैतडीका प्रवक्ता, प्रहरी निरीक्षक बोध राज ओझाले बताउनुभयाे ।
राजमार्ग खुलेसँगै सवारीसाधन सञ्चालनमा आएका छन्। बैतडीको पाटन नगरपालिका– ८ झौलेकमा सडक भासिदा गत आइतबारदेखि राजमार्ग अवरुद्ध बनेको थियो। जयपृथ्वी राजमार्गमा वर्षातको समयमा पहिरो जाँदा बेलाबेलामा अवरुद्ध हुने गरेको छ।
