बैतडी-श्रावन २०/ बुधवार बैतडीमा थप ६ जनाले कोरोना जितेका छन् । स्वास्थ्य कार्यालय बैतडीका अनुसार बिभिन्न ठाउँका ६ जना संक्रमित कोरोना जितेर निको भएका हुन् । यस्तै थप १ जनामा संक्रमणपुष्टि भएको छ । बुधवार कोरोना संक्रमण पुष्टि हुनेमा सिगास गाउँपालिका २ का ४० बर्षिय पुरुष रहेका छन् । ६ जना निको भएसंगै बैतडीमा अब कोरोनाका सक्रिय संक्रमितको संख्या ३७ रहेको छ । सक्रिय संक्रमितमध्ये सबैभन्दा बढी दशरथचन्द नगरपालिकामा २१ जना रहेका छन् । यस्तै सिगास गाउँपालिका र पाटन नगरपालिकामा ४/४ जना, दोगडाकेदार गाउँपालिका र डिलाशैनी गाउँपालिकामा २/२ जना र सुर्नया गाउँपालिकाका १ जना रहेका छन् । बैतडीमा जिल्ला बाहिरका ३ जना सक्रिय संक्रमित छन् ।
