बैतडी साउन १५ । शुक्रबार बैतडीमा ३ जना कोरोना संक्रमणमुक्त भएका छन् । कञ्चनपुर जिल्लाका २ जना र शिवनाथ गाउँपालिकाका १ जना गरि ३ जना कोरोना जितेर संक्रमण मुक्त भएका हुन्।
यस्तै थप २ जनामा कोरोना संक्रमण पुष्टि भएको छ । शुक्रबार कोरोना संक्रमण पुष्टि हुनेमा जिल्लाको सिगास गाउँपालिकाका १ जना र दोगडाकेदार गाउँपालिकाका १ जना रहेका छन् ।
अहिले बैतडी जिल्लामा कोरोना सक्रिय संक्रमित २७ जना रहेका छन् । बैतडी जिल्लाका तीन पालिकामा कोरोनाका सक्रिय संक्रमित शून्य रहेका छन् ।
बैतडीको शिवनाथ गाउँपालिका, मेलौली नगरपालिका र पुर्चौडी नगरपालिकामा कोरोनाका सक्रिय संक्रमित शून्य रहेका हुन् । बैतडीमा बाहिर जिल्लाका १ जना कोरोनाका सक्रिय संक्रमित रहेका स्वास्थ्य कार्यालय बैतडीले जनाएको छ ।
