बैतडी साउन १२ ।मंगलबार बैतडीमा थप ३ जनामा कोरोना संक्रमण पुष्टि भएको छ । स्वास्थ्य कार्यालय बैतडीका अनुसार दशरथचन्द नगरपालिकाका १ जना, दोगडाकेदार गाउँपालिकाका १ जना र कञ्चनपुर जिल्लाका १ जना गरि थप ३ जनामा कोरोना संक्रमण पुष्टि भएको हो ।
मंंगलबार थप ३ जनामा कोरोना संक्रमण पुष्टि भए संगै जिल्लामा कोरोनाका सक्रिय संक्रमितको सङख्या २३ पुगेको छ । सक्रिय संक्रमित मध्ये दशरथचन्द नगरपालिकाका ५ जना रहेका छन् ।
यस्तै दोगडाकेदार गाउँपालिका, पाटन नगरपालिका र सुर्नया गाउँपालिकामा ३ ÷३ जना कोरोनाका सक्रिय संक्रमित रहेका छन् । यस्तै सिगास गाउँपालिकाका र डीलाशैनी २ ÷२ जना, शिवनथा गाउँपालिका र पञ्चेश्वर गाउँपालिकाका १÷१ जना रहेका छन् । यस्तै बैतडीमा ३ जना कोरोनाका सक्रिय संक्रमित बाहिर जिल्लाका रहेका स्वास्थ्य कार्यालय बैतडीले जनाएको छ ।
