बैतडी -साउन ८ ।बैतडीका २१ जना कोरोना संक्रमणमुक्त भएका छन् । शुक्रबार जिल्लाका २१ जना कोरोना जितेर निको भएका स्वास्थ्य कार्यालय बैतडीले जनाएको छ ।
संक्रमणमुक्त हुनेमा दोगडाकेदार गाउँपालिकाका १६ जना , दशरथचन्द नगरपालिका, पाटन नगरपालिकाका, पुर्चौडी नगरपालिका, मेलौली नगरपालिका र सिगास गाउँपालिकाका १ ÷१ जना रहेका हुन् । यस्तै थप दुइ जनामा कोरोना संक्रमण पुष्टि भएको छ ।
शुक्रबार कोरोना संक्रमण पुष्टि हुनेमा कञ्चनपुर जिल्लाका २ जना रहेका छन् । शुक्रबार २१ ज्ना संक्रमण मुक्त भएसंगै जिल्लामा कोरोनाका सक्रिय संक्रमितको सङख्या २७ जना रहेको छ । २७ जना कोरोनाका सक्रिय संक्रमित मध्ये ६ जना बाहिर जिल्लाका रहेका छने भने बाँकी बैतडीका हुन् ।
अहिले बैतडीका चार पालिकाका कोरोनाका सक्रिय संक्रमित शून्य पालिका भएका छन् । मेलौली नगरपालिका, पुर्चौडी नगरपालिका , डीलाशैनी गाउँपालिका र सिगास गाउँपालिकाका त्तकालका लागि कोरोनाका सक्रिय संक्रमित शून्य पालिका भएका हुन् । बैतडीमा संक्रमणदर घटेको छ। पछिल्लो समय बैतडीमा कोरोना संक्रमण पुष्टि हुने भन्दा निको हुनेको सङख्या बढ्दै गएको छ ।
