बैतडी-श्रावन ०३/ आईतवार बैतडीमा थप ४ जनाले कोरोना जितेका छन् । स्वास्थ्य कार्यालय बैतडीका अनुसार पछिल्लो २४ घण्टामा ४ जना संक्रमित कोरोना जितेर निको भएका हुन् । निको हुनेमा दशरथन्द नगरपालिकाका १ जना, मेलौली नगरपालिकाका १ जना, पाटन नगरपालिकाका १ जना र दोगडाकेदार गाउँपालिकाका पनी १ जना रहेका छन् । आईतवार कसैमा पनीसंक्रमण पुष्टि नभएको स्वास्थ्य कार्यालयले जानकारी दिएको छ । पछिल्लो २४ घण्टामा एन्टीजेन बिधिबाट ५० जनाको कोरोना परीक्षण गरिएकोमा सबै रिर्पोट नेगेटिभ आएको स्वास्थ्य कार्यालयका सिआईसिटि अफिसर बिनिता चौधरीले जानकारी दिनुभएको छ । आईतवार ४ जनाले कोरोना जितेसंगै अब जिल्लामा कोरोनाका सक्रिय संक्रमितको संख्या ८० रहेको छ । जिल्लाको पञ्चेश्वर गाउँपालिका तत्कालका लागी संक्रिय संक्रमित शुन्य पालिका बनेको छ भने सबैभन्दा बढी दोगडाकेदार गाउँपालिकामा ३६ जना रहेका छन् । यस्तै सुर्नया गाउँपालिकामा १० जना, पाटन नगरपालिकामा ९ जना, दशरथचन्द नगरपालिकामा ७ जना, डिलाशैनी गाउँपालिका, मेलौली नगरपालिका र पुर्चौडी नगरपालिकामा २/२ जना र शिवनाथ गाउँपालिका र सिगास गाउँपालिकामा १/१ जना रहेका छन् । यस्तै बैतडीमा जिल्ला बाहिरका १० जना सक्रिय संक्रमित रहेका छन् ।
