बैतडी-श्रावन ०१/ शुक्रबार बैतडीका २ जना कोरोना संक्रमित निको भएका छन् स्वास्थ्य कार्यालय बैतडीका अनुसार जिल्लाको मेलौली नगरपालिका २ जना संक्रमित कोरोना जितेर निको भएका हुन् । यस्तै थप ३ जनामा संक्रमण पुष्टि भएको छ । आज कोरोना पुष्टि हुनेमा कञ्चनपुर जिल्लाका २ जना र बैतडीको शिवनाथ गाउँपालिकाका २ जना रहेका छन् । अब जिल्लामा कोरोनाका सक्रिय संक्रमित ८८ जना रहेका छन् । सबैभन्दा बढी जिल्लाको दोगडाकेदार गाउँपालिकामा ३७ जना संक्रमित रहेका छन् । यस्तै पाटन नगरपालिकाका र सुर्नया गाउँपालिकामा १० जना, दशरथचन्द नगरपालिकाका ९ जना, मेलौली नगरपालिकाका ३ जना, पुर्चौडी नगरपालिका र डिलाशैनी गाउँपालिकाका २/२ जना संक्रमित रहेका छन् । यस्तै शिवनाथ , पञ्चेश्वर र सिगास गाउँपालिकामा १/१ जना सक्रिय संक्रमित रहेका छन् भने बैतडीमा जिल्ला बाहिरका १२ जना सक्रिय संक्रमित रहेका छन् ।
