बैतडी असार ३० ।बैतडीका पत्रकार विसीले जयपुर विद्यालयलाई आर्थिक सहयोग गरेका छन्। विद्यालयमा आवस्यक शैक्षिक समाग्री खरिदका लागि आर्थिक अभियान सञ्चालन गरेको पाटन नगरपालिका वडा नं ७ उपल्ला बाटुला स्थित जयपुर आधारभूत विद्यालयलाई पत्रकार लक्ष्मण विसीले २ हजार ५ सय सहयोग गरेका हुन् ।
सामुदायिक रेडियो मेलौलीका स्टेसनम्यानेजर समेत र पत्रकार विसी समाजका दुःखी पीडीतहरुलाई सहयोग गर्दै आएका छन् । समाजको ऐनाले समाजिक सेवामा पनि समर्पित हुनु पर्छ भन्ने धेयले आफुले सक्दो सहयोग गरेको पत्रकार विसीको भनाई छ । विसीले आर्थिक सहयोग गरेपछि जयपुर आधारभूत विद्यालये धन्यवाद ज्ञापन गरेको छ ।
विद्यालयको भौतिक अवस्था निकै कमजोर रहेकोले आवश्यक शैक्षिक समाग्रीहरु खरिदका लागी अभियान थालिएको जनाउदै जयपुर विद्यालयका प्रधानाध्यापक राजेन्द्र साउदले मनकारीहरुबाट सहयोग संकलन जारी रहेको बताउनुभयो ।
विद्यालयको अवस्था सुधारका लागी सहयोग गर्न चाहनेहरुले प्रत्यक्ष रुपमा र विद्यालयको कृषि विकास बैंकमा रहेको खाता नम्बर ०८२३९००८७४७१००१२ मा सहयोग रकम जम्मा गर्न सकिने विद्यालय परिवारले जनाएको छ ।
