बैतडी असार ३०।बैतडीमा दुइ दिन पछि फेरी कोरोना संक्रमित थपिएका छन् । सोमबार र मंगलबार संक्रमण शून्यमा झरेको बैतडीमा बुधबार थप ४ जनामा संक्रमण पुष्टि भएको हाे ।
जिल्लाको सुर्नया गाउँपालिकाका २ जना, दशरथचन्द नगरपालिका र पाटन नगरपालिकाका १÷१ जनामा कोरोना संक्रमण पुष्टि भएको स्वास्थ्य कार्यालय बैतडीले जनाएको छ । यस्तै थप ६ जना निको भएका छन् । बुधबार सुर्नया गाउँपालिकाका ५ जना र मेलौली नगरपालिकाका १ जना संक्रमण मुक्त भएका हुन् ।
जिल्लामा अहिले कोरोनाका सक्रिय संक्रमित ८४ जना रहेका छन् । शिवनाथ गाउँपालिका बाहेक बैतडीका ९ स्थानीयतहमा ७४ जना सक्रिय कोरोना संक्रमित छन् भने , १० जना सक्रिय संक्रमित अन्य जिल्लाका रहेका छन् ।
सक्रिय संक्रमित मध्ये दोगडाकेदार गाउँपालिकामा ३६ जना, सुर्नया गाउँपालिकामा १० जना, दशरथचन्द नगरपालिकामा ९ जना, पाटन नगरपालिकामा ८ जना रहेका छन् । यस्तै मेलौली नगरपालिकामा ५ जना, पुर्चौंडी नगरपालिका र डीलाशैनी गाउँपालिकामा २ जना,पञ्चेश्वर गाउँपालिका र सिगास गाउँपालिकामा एक÷एक जना सक्रिय संक्रमित रहेका छन् ।
