बैतडी असार ।बैतडीमा थप ७ जना कोरोना संक्रमित संक्रमणमुक्त भएका छन् । स्वास्थ्य कार्यालय बैतडीका अनुसार मंगलबार कोरोना संक्रमणमुक्त हुनेमा डीलाशैनी गाउँपालिकाका ४ जना ,दशरथचन्द नगरपालिका र मेलौली नगरपालिकाका १÷१ जना र दार्चुला जिल्लाका १ जना रेहका छन् ।
थप ७ जना निको भए संगै जिल्लामा कोरोनाका सक्रिय संक्रमित ८६ जना रहेका छन् । सक्रिय संक्रमित मध्ये दोगडाकेदार गाउँपालिकामा ३६ जना, सुर्नया गाउँपालिकामा १३ जना, दशरथचन्द नगरपालिकामा ८ जना, पाटन नगरपालिकामा ७ जना रहेका छन् ।
यस्तै मेलौली नगरपालिकामा ६ जना, पुर्चौंडी नगरपालिका र डीलाशैनी गाउँपालिकामा २ जना,पञ्चेश्वर गाउँपालिका र सिगास गाउँपालिकामा एक÷एक जना सक्रिय संक्रमित रहेका छन् । बैतडीमा अन्य जिल्लाका १० जना सक्रिय संक्रमित रहेका स्वास्थ्य कार्यालयले जनाएको छ । जिल्लामा दुइ दिन यता कोरोनाका नयाँ संक्रमित भेटिएका छैनन् । सोमबार र मंगलबारको परीक्षणमा कोरोनाका नयाँ संक्रमित नभेटिएका स्वास्थ्य कार्यालय बैतडीले जनाएको छ । बैतडीको शिवनाथ गाउँपालिका भने तत्कालका लागि सक्रिय संक्रमित शून्य पालिका बनेको छ।
