डीआर भट्ट -बैतडी असार २९ ।बैतडीको डीलाशैनी गाउँपालिकाले पनि स्थानीय पाठ्यक्रम निर्माण गरेको छ । डीलाशैनी गाउँपालिकाले हाम्रो डीलाशैनि स्थानीय पाठ्यक्रम २०७८ तयार पारेको हो ।
स्थानीय भाषा, जडिबुटी, स्थानीय लोक भाका, लोक बाजा, धार्मिक क्षेत्र, स्थानीय खाद्यका परिकार, स्थानीय नदि नला, बालिनाली, बनस्पती र स्थानीय प्रख्यात व्यक्तीत्वहरु समेटेर स्थानीय पाठ्यक्रम निर्माण गरिएको शिक्षा शाखा संयोजक महादेव भट्टले जानकारी दिनुभयो ।
१ देखि कक्षा ३ सम्मको स्थानीय पाठ्यक्र तयार पारेर असार १७ गते गाउँकार्यपालिकाले स्वीकृत गरेपछि सबै विद्यालयमा वितरण गरिएको उहाँले बताउनुभयो । पाठ्यक्र निर्माण गरेर सबै विद्यालयमा लागु भएको जनाउदै शिक्षा संयोजक भट्टले चालु शैक्षिक शत्रमै पाठ्यपूस्तक तयार पारेर वितरण गरिने बताउनुभयो ।
दश स्थानीय तह रहेको बैतडीका ४ स्थानीय तहले स्थानीय पाठ्यक्रम तयार पारिसकेका छन् । डीलाशैनी गाउँपालिका पाटन नगरपालिका, मेलौली नगरपालिका र शिवनाथ गाउँपालिकाले स्थानीय पाठ्यक्रम तयार पारेका हुन् । यहाँका स्थानीयतहले निर्माण गरेको स्थानीय पाठ्यक्रममा स्थानीय भाषा, संस्कृति, वेषभूषा, खानपान, रहनसहन, चालचलन र धार्मिक क्षेत्र समेटिएको छ ।
